ഏകാകിയാമെന്‍ ഹൃദത്തിലീമഴ
മാനതാപമാകറ്റുവാന്‍ വന്നതാണോ?
പുളകം കൊള്ളുന്ന തെന്നലായ്
നീയിന്നെന്നെ ഉറക്കുവാന്‍ വന്നതാണോ?
അറിയില്ലയിന്നെനിക്കീവഴിയെന്നെ
പ്രതീക്ഷിച്ചരേലും വന്നു നിന്നിരുന്നോ?
പ്രതീക്ഷകള സ്തമയ സൂര്യന്റെ
കൈകളിലാരും കാണാതെ മറഞ്ഞിരുന്നോ?
സ്വപ്നം കാണുവാന്‍ കൊതിക്കുമ്പോ‍ളെന്‍
മനസ്സില്‍ നിന്മുഖം മാത്രമായിരുന്നെന്നോ?
എനിക്കൊരു പുഞ്ചിരിയേകി നീ
എന്റെയൊപ്പം വന്നിരുന്നെന്നോ?
അറിഞ്ഞിരുന്നില്ലന്നു ഞാന്‍, നീ-
യെന്നെയത്രമേല്‍ സ്നേഹിച്ചിരുന്നുവെന്ന്...
No comments:
Post a Comment